وزیراعلیٰ نے حادثے کی وجوہات جاننے کی ہدایت کر دی۔

رودرپریاگ، ہیلی کاپٹر کا ٹیل روٹر کیدارناتھ ہیلی پیڈ سے ٹکرانے سے UCADA کا ایک افسر ہلاک ہو گیا۔ بتایا جا رہا ہے کہ اس حادثے میں UCADA کے فائنانس جنرل منیجر امیت سینی کی موت ہو گئی۔ ڈیزاسٹر مینجمنٹ آفیسر نے اس واقعہ کی جانکاری دی ہے۔ معلومات کے مطابق اتوار کی دوپہر کیدارناتھ دھام میں ہیلی کاپٹر کے پنکھے سے ٹکرانے سے UCADA کے فائنانس کنٹرولر امیت سینی کی موت ہو گئی۔ یہ حادثہ اس وقت پیش آیا جب UCADA کے فائنانس کنٹرولر امیت سینی معائنہ کے لیے کیدارناتھ ہیلی پیڈ گئے تھے۔ رودرپریاگ کے ایس پی نے بھی اس معاملے کی تصدیق کی ہے۔
امیت سینی کیدارناتھ ہیلی پیڈ پر ہیلی سے نیچے اترتے ہوئے ہیلی کاپٹر سے ٹکرا گئے۔ یہ حادثہ کرسٹل ایوی ایشن کمپنی کے ہیلی کاپٹر کے ساتھ پیش آیا۔ ایس ڈی آر ایف افسر مانیکانت مشرا نے بتایا کہ حادثے کی وجہ کا پتہ لگایا جا رہا ہے۔ لاش کو پی ایم کے لیے بھیج دیا گیا ہے۔
وزیر اعلیٰ پشکر سنگھ دھامی نے کیدارناتھ میں ہیلی کاپٹر کی زد میں آکر امیت سینی، فائنانس کنٹرولر، UCADA کی المناک موت پر گہرے رنج و غم کا اظہار کیا ہے۔ انہوں نے اللہ تعالیٰ سے دعا کی ہے کہ وہ مرحوم کی روح کو جوار رحمت میں جگہ دے اور سوگوار لواحقین کو صبر جمیل عطا فرمائے۔ واقعہ کو افسوسناک قرار دیتے ہوئے وزیر اعلیٰ نے حادثے کی وجوہات کی تحقیقات کرنے کی ہدایات دی ہیں۔ اس کے ساتھ ہی متعلقہ حکام کو ہدایت کی گئی ہے کہ وہ اس بات کو یقینی بنائیں کہ مستقبل میں ایسے واقعات کا اعادہ نہ ہو۔ وزیر اعلیٰ نے ہدایات دی ہیں کہ سفر کے دوران ہیلی پیڈ سے ہیلی کاپٹر میں سفر کرنے والے مسافروں کو سوار کرتے اور اترتے وقت حفاظتی معیارات کو یقینی بنایا جائے۔
،